خمس خطوات لتبين أصغر من عمرك بعشر سنوات
سيف وسارة الشهري
تعرف إنه لما يوصل عمرك 40 تظهر عليك التجاعيد أكثر من أي وقت ثاني؟ وهذا الشيء يصير لنا كلنا رجال وسيدات! أكدت الدراسات إنه بعد سن الأربعين إذا ما سويت التمارين الرياضية المناسبة واهتميت بأكلك وخليته صحي أكثر؛ جسمك مع كل سنة تمر بيعجّز 6 شهور زيادة. تخيل انت في الـ 40 أول ما يصير عمرك 44 بتحس كأنك في الـ 48 لأن شكلك ومظهرك يقولون كذا، ومع الوقت أول ما تصير 60 بتلاقي نفسك تحولت لشخص في الـ 70 ! وترا كل يوم نشوف هالحقيقة؛ طالع حولك وتأكد.
وتعرف بعد إن 90% من الناس اللي عمرهم عدا الـ 30 يخسرون عضلات كل سنة كان ممكن يحرقون بها أكثر من اثنين كيلو، يعني مو بس انت جالس تخسر الشيء الوحيد اللي يعطي جسمك شكله وقوته، لا انت بعد تزيد دهون أكثر وأكثر كل ما تمر سنة، حتى لو سعراتك الحرارية كانت مثل ما هي.
طيب تتخيل إنك تقدر توقف عملية الشيخوخة هذه وتأخرها مهما كان عمرك ? في طرق معينة تغير من تفكيرك وطريقة أكلك وحركتك وكلها تقول لعقلك إنه يوقف هالعملية ويقلل من سرعتها كمان، لدرجة إن كل سنة يقل معدلها أكثر من السنة اللي قبلها، يعني إذا كنت في الـ 40 بتبين أصغر من الناس اللي عمرها 35، ولو كنت مثلي أنا و سارة؛ بتبين انت أصغر مما كنا عليه حنا في الـ 40 بـ 50 مرة!
صدقني هالكلام مهو من خيالي، وهالطريقة مهي محتاجة أدوية ولا مكملات غذائية ولا مضادات شيخوخة وتنفع مع الكل؛ رجال وسيدات أيا كان عمرهم، حتى لو كانوا في الـ 35 أو الـ 45 أو الـ 55 أو الـ 65 أو الـ 75 وكمل مثل ما تبي لأن الطريقة نفسها ما راح تتغير.
لما كنت رئيس تحرير مجلة "الرجل الحديدي (Iron Man)" استفدت مرة من خبراء مكافحة الشيخوخة اللي كانوا يقدمون تقارير للمجلة وعرفت أسرار كثيرة منهم، ومع مرور السنين جمعنا أنا وسارة هالخطوات والاستراتيجيات وقدرنا ننفذها صح ونوقف أعراض الشيخوخة، يعني الآن جسمنا يبين ويحس ويتحرك كأننا أصغر من عمرنا الحقيقي.
ولأنه نظام فعال طول هالسنين اللي فاتت علمناه لعدد من الرجال والسيدات اللي من كثره ما أذكره، ودايما نبدأ النظام بالقواعد الخمسة اللي لازم تطبقها لتوقف الشيخوخة وتعكس تأثيرها واللي أول شيء فيهم هو إنك ترجّع هرمونات الشباب الطبيعية حقتك من جديد
لكن قبل ما أكمل كلامي خلني أقولك إن اللي راح تسمعه الآن يختلف عن كل رجيم تعرفه وكل نصيحة تمرين أخذتها من مدربين، وعشان أكون صريح معك العالم صار يحب السهولة! التمارين الرياضية، اليوجا ودروس الخياطة عمرها ما هتوقف الشيخوخة وما راح تحافظ على عضلاتك ولا راح تحرق الدهون الصعبة اللي في جسمك؛ مستحيل!
لكذا نهديك خمس خطوات توضح لك الأشياء اللي لازم تتجنبها إذا كنت تبي تقلل من سرعة الشيخوخة وتحافظ على صحتك وتحقق الجسم المثالي اللي تحلم فيه.
كل اللي تحتاجه موية باردة وشوية أفكار من المدرسة القديمة وتعرف الحقيقة الكاملة، شايف الدنيا كيف بسيطة؟
تعالا نتكلم بتفاصيل أكثر!
الخطوة الأولى: انسى الرجيم اللي يعتمد على تقليل كمية الدهون في الأكل
نصحونا ناكل كل شيء قليل الدسم و ما فيه دهون ولكن ايش النتيحة؟ ما أعطتنا هالنصيحة شيء إلا أننا صرنا أسمن، وصار عندنا أمراض ما تنتهي، وصرنا نموت على شيء اسمه سكر وكربوهيدرات أكثر من أي وقت ثاني وللأسف حنا جالسين ننقل هالنصيحة لأطفالنا كمان!
واللي ما نعرفه إن الدهون ما هي شيء نخاف منه بالعكس المفروض نحبها، الدهون ما تخلينا نسمن الدهون تساعدنا نجدد طاقتنا وهرموناتنا مثل هرمون التستوستيرون وهرمون الطاقة واللي هم نتيجة مباشرة للكولسترول والدهون وعلى فكرة ترا كلمة "كوليسترول" ما هي كلمة سيئة، وهذا لأن جسمنا يحتاج للدهون الغذائية والكولسترول عشان ينتج كل هرموناتنا الحيوية.
أكيد شفت الناس اللي عايشة على الرجيم اللي ما فيه دهون بالأكل ولاحظت إنهم دايما تعبانين ومن قوة النحف تحس انهم ضعيفين وبعد ممكن تكتشف إنهم مريضين لدرجة ما يقدرون يقومون، وعمرهم ما استمتعوا بأكلهم أبدا، لأن كل وجبة وكل جرام محسوب عليهم، برأيك هل هالطريقة بتخليك تبين أصغر من عمرك؟ أبدًا عمرها ما تبينك أصغر من عمرك، لأنها أكيد بتقلقك للموت هذا إذا ما قتلتك الأول!
